அன்னையின் அருள்வாக்கு

அன்னையின் அருள்வாக்கு

சித்திரா பெளர்ணமி, ஆடிப்பூரம், நவராத்திரி என்று அடுத்தடுத்துவிழாக்கள் வந்து கொண்டே இருக்கின்றன..

 

ஒவ்வொரு  விழா வரும் போதும் அதைச் செய் இதைச் செய் என்று அம்மா சொல்லிக்கொண்டே இருக்கிறது. நமது நிலைமை அம்மாவுக்குத் தெரியமாட்டேன் என்கிறதே என்றெல்லாம் நினைக்கிறீர்கள். சிலர் அலுத்துக்கொள்கிறீர்கள்.

 

நான் சொல்வதையெல்லாம் செய்து வரவில்லை என்றால், இன்றுள்ள நிலைமைய விட உலகில் மேலும் மோசமான நிலைமைகளும், விளைவுகளும் ஏற்படும். தருமங்களெல்லாம் அதருமங்களாக மாறும்.  நீதிகள் எல்லாம் நீதிகளாக மாறும்.  புண்ணியங்களெல்லாம்  பாவங்களாக மாறும்..

 

அவற்றையெல்லாம் நெறிபடுத்தவே உங்களுக்கு தொண்டுகளும், பணிகளும் உருவாக்கித் தருகிறேன்.  நீ செய்து  தான் ஆலயம் வளரும் என்று நினைத்துக் கொள்ளாதே....

 

ஆள் உண்டு அருள் உண்டு ஆட்காட்டி விரல் உண்டு சாக்கடையிலும் நாற்றம் உண்டு, உன் உடம்பிலும் நாற்றம் உண்டு இந்த நாற்றங்களையெல்லாம்  போக்கிவிடலாம்.  ஆனால் உன் உள்ளத்தில் உள்ள அழுக்குகளை ஆன்மிகம் என்ற சோப்பு போட்டுத்தான் கழுவிக் கொள்ள வேண்டும்.  அவ்வாறு அழுக்கைப் போக்கி உங்களைச் சுத்தபடுத்திக் கொள்ளவே உங்களுக்கு விழாக்கள் வேலைகள் தொண்டுகளின் வாய்ப்புகள்.....

 

இவற்றையெல்லாம் புரிந்து கொண்டு நடந்து கொள்ள வேண்டும்....